andhralekha
Welcome
Login / Register

రెజ్లింగ్‌లో భారత్‌కు స్వర్ణం

 


గోల్డ్‌కోస్ట్‌: కామన్వెల్త్‌ క్రీడల్లో భారత రెజర్లు తమ సత్తా చాటారు. పురుషుల 57 కేజీల ఫ్రీ స్టైల్‌ విభాగంలో రాహుల్‌ అవారే స్వర్ణం గెలుచుకున్నాడు. ఫైనల్లో కెనడాకు చెందిన టకహాషిని మట్టికరిపించి పసిడి కైవసం చేసుకున్నాడు. స్వర్ణం గెలుచుకున్న రాహుల్‌ జాతీయ గీతం ఆలపించే సమయంలో భావోద్వేగానికి గురయ్యాడు. రాహుల్‌ ఏషియన్‌ రెజ్లింగ్‌ ఛాంపియన్‌షిప్‌లో కాంస్యం, 2011 కామన్వెల్త్‌ రెజ్లింగ్‌ ఛాంపియన్‌షిప్‌లో స్వర్ణం దక్కించుకున్న సంగతి తెలిసిందే.

* మహిళల 53 కేజీల ఫ్రీ స్టైల్‌ విభాగంలో బబితా ఫొగల్‌ రజతంతో సరిపెట్టుకుంది.

* మహిళల 76 కేజీల ఫ్రీ స్టైల్‌ విభాగంలో కిరణ్‌ కాంస్యం దక్కించుకుంది.

* మహిళల 50మీటర్ల రైఫిల్‌ ప్రోన్‌లో తేజస్విని సావంత్‌ రెండో స్థానంలో నిలిచి రజతం కైవసం చేసుకుంది.

ఇప్పటి వరకు భారత్‌ ఖాతాలోకి 13 స్వర్ణాలు, 6 రజతాలు, 9 కాంస్యాలు చేరాయి. మొత్తం 28 పతకాలతో భారత్‌ పతకాల పట్టికలో మూడో స్థానంలోనే కొనసాగుతోంది. ఆస్ట్రేలియా(147), ఇంగ్లాండ్‌ (79) మొదటి రెండు స్థానాల్లో ఉన్నాయి.

Post your comment

Comments

Be the first to comment

Related Articles

RSS